Plantun de Prouvènço

Pèr coumpara dos planto d'encò nostre

Carex demissa & Frullania dilatata

Queirello(-de-la-cambo-basso)

Carex demissa

Cyperaceae

Àutri noum : Moutouso, Sagneto.

Nom en français : Laîche à tiges basses.

Descripcioun :
La queirello-de-la-cambo-basso trachis en mato dins li palun tourbous de mountagno sus siliço. Fai partido dóu group di Carex pulèu pichot qu'an uno espigueto masclo e 2 à 6 espigueto femello. Èi proche de la meno lepidocarpa emé si fueio estrecho e sis utriculo sarrado emé un bè di dos dènt e rufe emé tres estigmate. Se n'en destrìo pamens que soun espigueto masclo èi pourtado pèr un pecou mens long que l'espigueto femello d'à coustat (fotò), que li bè dis utriculo soun pas torso e peréu que se trovo sus siliço pas sus cauquié.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5,5 à 8 mm
Flourido : Estiéu

Sòu : Si
Autour basso e auto : Pancaro entresigna
Aparado : Noun
Juliet à avoust

Liò : Palun tourbous - Bas-palun
Estànci : Mountagnard à Aupen
Couroulougi : Anfiatlantico
Ref. sc. : Carex demissa Vahl ex Hartm., 1808 (= Carex viridula subsp. oedocarpa (Andersson) B.Schmid, 1983 )

Frulanìo-boudenflado

Frullania dilatata

Frullaniaceae

Nom en français : Frullanie dilatée.

Descripcioun :
Aquesto epatico di proun coumuno se vèi eisadamen sus li pège e ramo d'aubre. Pu raramen trachis sus de roucas umide. Li fueio verdo soun dins lou meme plan e generalamen aplatado ; emé un lobe doursau redoun e un ventrau en formo de saco o de casque (fotò) tant long que larjo. Li cellulo an de bord mai espès (trigone).

Usanço :
Isto une meno proche, Frullania tamarisci emé de fueio apiculado e un rego d'ocelo sus lou dessubre, e tambèn de saco (dessouto) en long. Coumpara peréu emé lis àutri Porellales.